Үрүмчи йәрмәнкиси ечилиш алдида турмақта


2004.08.24

Үрүмчидә һәр йили бир қетим өткүзүлидиған үрүмчи йәрмәнкиси ечилиш алдида турмақта .

Тәңритағ ториниң хәвиридин мәлум болишичә, 13 нөвәтлик үрүмчи йәрмәнкисиниң ечилишиға 10 күн қалған болуп, һазир чәтәлликләрниң йәрмәнкә үчүн заказ қилған орни 70 гә, аптоном район ичидикиләрниң заказ қилған яйма орни 470 гә, аптоном район сиртидикиләрниң заказ қилған орни 527 гә йәткән .

Хәвәрдин мәлум болишичә, үрүмчи йәрмәнкисигә российәдин 150 нәпәр вәкил қатнашқандин сирт, қазақистанниң хитайда турушлуқ сода башқармиси, хоңкоң сода тәрәққият идариси шуниңдәк малайсия, австралийә, франсийә қатарлиқ дөләтләрниң сода вәкиллириму бу қетимқи үрүмчи йәрмәнкисигә қатнишидикән .

Үрүмчи йәрмәнкисигә йәнә, шаңхәй, тйәнҗин, чоңчиң қатарлиқ 15 өлкиси, уйғур аптоном район ичидики 16 вилайәт, област, шәһәрләрму өмәк тәшкилләт мәзкур йәрмәнкигә қатнишидикән .

Күзәткүчиләрниң билдүрүшичә, 12 йилдин буян елип бериливатқан үрүмчи йәрмәнкиси бәлгилик дәриҗидә сода тәрәққиятини қолға кәлтүргән болсиму, бирақ сода тәрәққиятиниң нәтиҗиси йәрлик уйғур хәлқигә мәнпәәт йәткүзгән болмастин, ичкири өлкилик хитай содигәрлириниң чәтәллик содигәрләр билән болупму оттура асия содигәрлири билән алақә орнитиши үчүн көврүк болуш ролини ойнимақта икән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.