Ürümchi yermenkisi échilish aldida turmaqta

Ürümchide her yili bir qétim ötküzülidighan ürümchi yermenkisi échilish aldida turmaqta .

Tengritagh torining xewiridin melum bolishiche, 13 nöwetlik ürümchi yermenkisining échilishigha 10 kün qalghan bolup, hazir chet'elliklerning yermenke üchün zakaz qilghan orni 70 ge, aptonom rayon ichidikilerning zakaz qilghan yayma orni 470 ge, aptonom rayon sirtidikilerning zakaz qilghan orni 527 ge yetken .

Xewerdin melum bolishiche, ürümchi yermenkisige rossiyedin 150 neper wekil qatnashqandin sirt, qazaqistanning xitayda turushluq soda bashqarmisi, xongkong soda tereqqiyat idarisi shuningdek malaysiya, awstraliye, fransiye qatarliq döletlerning soda wekillirimu bu qétimqi ürümchi yermenkisige qatnishidiken .

Ürümchi yermenkisige yene, shangxey, tyenjin, chongching qatarliq 15 ölkisi, Uyghur aptonom rayon ichidiki 16 wilayet, oblast, sheherlermu ömek teshkillet mezkur yermenkige qatnishidiken .

Küzetküchilerning bildürüshiche, 12 yildin buyan élip bériliwatqan ürümchi yermenkisi belgilik derijide soda tereqqiyatini qolgha keltürgen bolsimu, biraq soda tereqqiyatining netijisi yerlik Uyghur xelqige menpe'et yetküzgen bolmastin, ichkiri ölkilik xitay sodigerlirining chet'ellik sodigerler bilen bolupmu ottura asiya sodigerliri bilen alaqe ornitishi üchün köwrük bolush rolini oynimaqta iken. (Eqide)