Rusiye prizdéntining sibiriye turushluq wekili Uyghur élini ziyaret qildi


2004-09-03
Share

Rusiye prizdéntining sibiriyide turushluq alahide wekili bashqiliqidiki rusiye wekiller ömiki ürümchini ziyaret qilip, Uyghur aptonom rayonining re'isi ismayil tiliwaldi, aptonom rayon partkomining sékritari wang léchü'enler bilen körüshti.

Ismayil tiliwaldi rusiye prizdéntining sibiriyidiki wekili bilen ötküzgen söhbitide , rusiye bilen xitayning chéchen we Uyghur musteqilchilirige qarshi élip barghan hemkarliqigha yüksek baha bérip, rusiye hökümitidin térrorizm, milli bölgünchilik we diniy esebilikke qarshi küresh qilishta xitayni dawamliq qollashni telep qilghan. Xitay hökümiti 11 - sintebir weqesidin kéyin Uyghur musteqilliq herkitini térrorizm dep jakarlighan.

Chéchenlerning herkitini térrorizm dep qobul qilip, rusiyining Uyghur mesilisidiki qollishigha érishkenidi. Uyghur aptonom rayonining re'isi ismayil tiliwaldi, 1996 - yili xoten weqesini basturush herikitige riyasetchilik qilghan. Eyni chaghda u aptonom rayon partkomining mu'awin sékritari idi. Uning xoten weqesini bir terep qilish jeryanidiki radikal herikiti, béyjing da'irilirining alqishigha érishken. Sibiriye rayonidiki nowosébrisk, kémérow we bashqa oblastliridin terkip tapqan rosiye fédiratsiyisining sibiriye wekiller ömiki ürümchi yermenkisige teklip qilin'ghan . Ikki terep sibiriye rayoni bilen Uyghur ili otturisidiki soda - iqtisad, medeniyet, pen- téxnika hemkarliqigha da'ir bir qatar kélishimlerni imzalidi.(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet