Қирғизистанлиқ нурмуһәммәт кәнҗи үрүмчи йәрмәнкисигә қатнашти

Қирғизистан " ерпан " санаәт сода ширкитиниң директори нурмуһәммәт кәнҗи, үрүмчи йәрмәнкисигә қатнишип, " ипар" био технологийиси тәрәққият чәклик ширкити билән 12 милйон америка доллирилиқ тохтамға имза қойған .

Қирғизистан " ерпан" санаәт сода ширкити, ипар ширкитидин " ипар" бовақлар калтсий талқини, " ипар" чоңлар калтсий таблеткиси, " күнчечәк " таблеткиси, " ипар" қизилгүл капсули, " ипар"сеник толуқлаш капсули қатарлиқ мәһсулатларни сетиш - сетивилиш үстидә тохтам түзгән .

" Ерпан " санаәт сода ширкитиниң директори нурмуһәммәт кәнҗи илгири, қирғизиистан уйғур иттипақиниң рәиси болуп, шәрқий түркистан дәвасиниң актип паалийәтчилиридин иди, у 2000 - йиллардин буян хитай һөкүмити билән йеқиндин мунасивәт бағлап, бирқанчә қетим, үрүмчи шәһиридә мәдәнийәт алмаштуруш намида өткүзүлгән мурасимларға қатнашқан . (Әқидә)