Уйғур аптоном райони һөкүмити бейҗиңда үрүмчи йәрмәнкисиниң ахбарат елан қилиш йиғини өткүзди


2005-06-10
Share

Уйғур аптоном райони даирилириниң алдинқи күни бейҗиңда йилда бир қетим өткүзүлүватқан үрүмчи йәрмәнкисиниң ахбарат елан қилиш йиғинида тәкитлишичә, бу йилқи үрүмчи йәрмәнкисигә бәзи өзгәртишләр киргүзүлидикән.

Аптоном районниң муавин рәиси җаң җов, бу йилқи йәрмәнкиниң вақти 8 күндин 5 гә қисқартиланлиқини билдүрди. Җаң җовниң тәкитлишичә, "ғәрбликләр" гә ечилиш бу йилқи йәрмәнкиниң бир алаһидилики болидикән. Җаң җов, йәрмәнкә җәрянида "оттура вә ғәрбий асия һәмкарлиқи бойичә юқири дәриҗиликләр мунбири" ниң йиғини чақирилидиғанлиқини билдүрди. Әмма 5 - айниң 30 ға қәдәр хоңкоң , тәйвән вә чәтәлликләр йәрмәнкидики пүкәйләрниң аран 10 ٪ ни сетивалған.

Ахбарат елан қилиш йиғиниға хитай сияси мәслиһәт кеңишиниң муавин рәиси абләт абдуришид қатнашти, әмма йиғинни аптоном районниң хитай муавин рәиси җаң җов башқурған. Җаң җовниң тәкитлишичә, уйғур аптоном райониниң 2004 - йилдики ташқи сода експорти 5 милярд долларға йәркән.

Ахбарат йиғиниға қазақистан, испанийә, пакистан қатарлиқ дөләтләрниң мухбирлири қатнашқандин сирт, йиғинниң мутләқ көп қисим иштиракчилирини "хәлқ гезити" , шинхуа ахбарат агентлиқи, мәркизи хәлқ радио истансиси қатарлиқ хитай ахбарат органлириниң мухбирлири игилигән.

Йәрмәнкини тәнқид қилғучилар, һәр йили 9 - айниң 1 - күни башлинидиған йәрмәнкини хитайлар монопол қиливелип, уйғурларни чәткә қеқиш билән әйиблимәктә иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт