Uyghur aptonom rayoni hökümiti béyjingda ürümchi yermenkisining axbarat élan qilish yighini ötküzdi


2005-06-10
Share

Uyghur aptonom rayoni da'irilirining aldinqi küni béyjingda yilda bir qétim ötküzülüwatqan ürümchi yermenkisining axbarat élan qilish yighinida tekitlishiche, bu yilqi ürümchi yermenkisige bezi özgertishler kirgüzülidiken.

Aptonom rayonning mu'awin re'isi jang jow, bu yilqi yermenkining waqti 8 kündin 5 ge qisqartilanliqini bildürdi. Jang jowning tekitlishiche, "gherblikler" ge échilish bu yilqi yermenkining bir alahidiliki bolidiken. Jang jow, yermenke jeryanida "ottura we gherbiy asiya hemkarliqi boyiche yuqiri derijilikler munbiri" ning yighini chaqirilidighanliqini bildürdi. Emma 5 - ayning 30 gha qeder xongkong , teywen we chet'ellikler yermenkidiki pükeylerning aran 10 ٪ ni sétiwalghan.

Axbarat élan qilish yighinigha xitay siyasi meslihet kéngishining mu'awin re'isi ablet abdurishid qatnashti, emma yighinni aptonom rayonning xitay mu'awin re'isi jang jow bashqurghan. Jang jowning tekitlishiche, Uyghur aptonom rayonining 2004 - yildiki tashqi soda éksporti 5 milyard dollargha yerken.

Axbarat yighinigha qazaqistan, ispaniye, pakistan qatarliq döletlerning muxbirliri qatnashqandin sirt, yighinning mutleq köp qisim ishtirakchilirini "xelq géziti" , shinxu'a axbarat agéntliqi, merkizi xelq radi'o istansisi qatarliq xitay axbarat organlirining muxbirliri igiligen.

Yermenkini tenqid qilghuchilar, her yili 9 - ayning 1 - küni bashlinidighan yermenkini xitaylar monopol qiliwélip, Uyghurlarni chetke qéqish bilen eyiblimekte idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet