Tashqorghanda Uyghur - pakistan chégra soda yermenkisi bashlandi


2005-06-17
Share

Uyghur aptonom rayonining pakistan chégrisida tashqorghan nahiyisidiki Uyghur aptonom rayoni - pakistan chégra rayon puqralirining soda yermenkisi birinchi heptisini ötküzdi. Yermenke ötken heptining charshenbe küni bashlan'ghan. Aldimizdiki seyshenbe we charshenbe künliri qayta échilidu.

Qeshqer wilayiti pakistanning chégra ölkisidiki da'iriler bilen imzalighan kélishim boyiche, buningdin kéyin her yil 1 - maydin 31 - dékabirghiche, her heptining seyshenbe we charshenbe künliri bazar küni qilip békitilgen. Shinxu'a axbarat agéntliqining xewer qilishiche, pakistandin élip barghan yaki pakistan'gha élip chiqidighan mallargha éksport yaki import towarliri süpitide mu'amile qilinidiken.

Bazarda jem'iy 77 dukan tesis qilin'ghan bolup, tijaretchiler sodida yü'en, rupiye yaki amérika dollirini ishletse bolididiken hem malgha - mal almashtursa ruxset qilinidiken.

Tashqorghan, Uyghur aptonom rayonining jenubidiki afghanistan we pakistan chégrilinidighan istratégiyilik orni intayin muhim jay. Xitay hökümiti 1980 - yillarda mujahidlarning sowét ittipaqi armiyisige qarshi urushigha tashqorghan arqiliq yardem béretti.

Amérika, 11 - sintebir weqesidin kéyin afghanistan'gha herbiy hujum qozghighanda, xitay hökümiti tashqorghan'gha ikki diwiziye qoshun yötkep, qonjirap éghizini taqighan shundaqla tashqorghandiki yerlik puqralarni qeshqerning ichki rayonlirigha yötkigen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet