14 -Nöwetlik ürümchi soda yermenkisining échilish murasimi ötküzüldi

1 - Séntebir küni Uyghur élining merkizi ürümchi shehiride, 14 -nöwetlik ürümchi soda yermenkisining échilish murasimi ötküzüldi. Bu qétimliq yermenkige xitay we ottura, gherbiy asiya döletliridin kelgen 900 din oshuq karxana we 50 minggha yéqin soda xadimliri qatnashqan.

"Shinjang xewer tori" ning melumatigha qarighanda, hökümet bu qétimliq soda yermenkiside, néfit pishshiqlap ishlesh, yéngi énérgiye menbesi, tibbiy dorilar, toqumichiliq, yémek-ichmek we mashinisazliq qatarliq 10 nechche sahege xéridar toplaydiken.

Ürümchi soda - tijaret ömiki bu qétimliq yermenke mezgilide, 139 xil dölet ichi we sirtidiki iqtisadiy téxnika hemkarliq we soda kélishimini tüzüshni nishanlawatqanliqini hemde buning soda sommisining 13 milyard yu'endin ashidighanliqini bildürdi.

Mezkur yermenke mezgilide yene, ottura, gherbiy asiya rayoni iqtisadiy hemkarliq aliy yighini chaqirildi. Yighin'gha Uyghur aptonom rayonining re'isi ismayil tiliwaldi, mu'awin re'is jang chingli we shangxey hemkarliq teshkilatining bash katipi jang dégu'ang qatarliqlar qatniship söz qildi. (Peride)