Ürümchi soda yermenkiside 118 türlük soda kélishimi tüzüldi


2005-09-04
Share

Uyghur élining merkizide élip bériliwatqan 14 - nöwetlik "ürümchi soda yermenkisi" bashlinip hazirghiche bolghan mezgilde, ürümchi iqtisadiy soda yermenke guruppisi xitay we chet'el soda shirketliri bilen jem'iy 118 türlük kélishim tüzgen hemde toxtam sommisi 28 milyard yü'en'ge yetken.

Tengritagh xewer torining melumatigha qarighanda, chet'el meblighi asasliqi, ximiye-sana'et, kan bayliqlirini échish, yimekliklerni pishshiqlap ishlesh, toqumichiliq, öy-jay sodisi we éléktir qatarliq sahelerge sélin'ghan.

Buningdin sirt yene yermenke jeryanida, 2005 - yilliq ürümchi yermenkisi pakistan-xitay erkin soda kélishimidiki deslepki mezgillik ünüm hasil qilish pilani muhakime yighini ötküzüldi. Bu kélishim deslep xitay we pakistan da'iriliri teripidin bu yil 4 -ayning 5 -küni imzalan'ghan.

Kélishim boyiche, kéler yili 1 - ayning 1 - künidin bashlap, ikki terep erkin soda rayoni ramkisi ichide, ikki terepning ikki xildiki mehsulatlirigha qarita tamuzhna béjini toluq kechürüm qilishini yolgha qoyush, shuning bilen birge soda ishlirida hazir yolgha qoyuliwatqan étibar bérish da'irisini yenimu kéngeytip, ikki terep karxanilirini muddettin burun erkin sodining paydisidin behriman qilish belgilen'gen. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet