Вашингтонда уйғурларниң кишилик һоқуқ вәзийити һәққидә йиғин өткүзүлди


2005.12.14
Share on WhatsApp
Share on WhatsApp

14‏-Декабир чаршәнбә күни вашингтонда, америка дөләт мәҗлиси кишилик һоқуқ комитетиниң орунлаштуруши билән уйғурларниң кишилик һоқуқ вәзийити һәққидә мәхсус йиғин чақирилди. Йиғинға атағлиқ уйғур кишилик һоқуқ паалийәтчиси рабийә қадир вә хәлқара кәчүрүм тәшкилатиниң америка шөбисидики асия ишлири мәсули т. Кумар қатнишип сөз қилди.

Йиғинда рабийә қадир, хитайларниң уйғур елигә көпләп көчиши сәвәбидин, уйғурларниң нөвәттә етник вә мәдәнийәт мәвҗутлиқини сақлаш тиркишишигә дуч келиватқанлиқини, шундақла хитай һөкүмитиниң уйғурларниң иқтисадий вә мәдәнийәт әркинликини еғир боғиватқанлиқини оттуриға қойди.

Йиғинда у йәнә, уйғур сиясий мәһбуслири һәққидиму тохтилип, һөкүмәтниң нәччә онмиңлиған уйғур сиясий мәһбусларни мәхпий сот биләнла җазалиғанлиқи һәтта нурғунлирини уларниң аилә-тавабатлириға уқтурмастинла етип ташлиғанлиқини көрсәткән.

Уйғур кишилик һоқуқ паалийәтчиси рабийә қадир ханим йиғинда уйғурларниң нөвәттики вәзийитини омумйүзлүк тонуштуруп өтти. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.