Qatnash tarmaqlirini maslashturush komitétining yighini ürümchide ötküzüldi


2006-08-25
Share

Ottura asiya rayoni, iqtisadiy hemkarliq pilani boyiche qatnash tarmaqlirini maslashturush komitétining altinchi nöwetlik yighini, 8 ‏- ayning 24 ‏- küni ürümchide ötküzülgen.

Xitay xewer agéntliqining xewirige qarighanda, mezkur yighin'gha, asiya tereqqiyat bankisi, islam tereqqiyat bankisi, birleshken döletler teshkilati tereqqiyat pilan mehkimisi, birleshken döletler teshkilati asiya tinch okyan iqtisadiy hemkarliq mudiryiti, dunya bankisi shuningdek ottura asiya rayoni iqtisadiy hemkarliq mixaynizimigha eza sekkiz döletler teshkilati qatarliq jaylarning mutexessis hemde wekilliri qatnashqan.

Bu qétimqi yighinda, asiya tereqqiyat bankisi, korla - kucha tash yolining derijisini yuqiri kötürüsh türige 150 milyon dollar ajratqan bolup, buningdin sirt i'ane toplash arqiliq yene, béshkek - turghat ‏- qeshqer tash yolini tutashturush qurulushi üstide muzakire élip bérilghan.

Xitay da'iriliri, yighinda Uyghur élining rayon ewzellikini, toluq jari qildurup, jonggu bilen ottura asiya döletlirining iqtisad, soda alaqisini kücheytip, ottura asiyadiki her qaysi döletlerning tinch yosunda tereqqi qilishini ilgiri süridighanlqini alahide tekitligen.

Siyasiy küzetküchilerning bildürüshüshiche, nöwette Uyghur éli, birleshken döletler teshkilatigha oxshash, her qaysi organlarning iqtisadiy yardimige érishmekte, biraq xitay da'iriliri, ottura asiya döletliri bilen bolghan iqtisadiy munasiwitini tereqqi qildurushta aldi bilen, bu döletlerning Uyghur si'aysiy pa'aliyetchilirige hichqandaq imkaniyet hazirlimasliq shertige kapalet bérishni aldinqi sherti qilip békitmekte.

Bir qanche yillar ilgiri qazaqistan we qirghizistan döletliri, Uyghur müsteqqilchiliridin bir qanchisini, xelq'ara teshkilatlarning narazliqlirigha qarimay xitay da'irilirige tapshurup bergen idi. Yéqinda özbékistan hökümitimu kanada puqrasi höseyin jélilni, xitaygha tutup berdi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet