B d t qedimiy yipek yolini janlandurushni pilanlimaqta

Birleshken döletler teshkilati xitay we ottura asiya döletliri bilen birliship, qedimiy yipek yolini janlandurush programmisi élip bérishni pilanlimaqta.

Amérika birleshme axbarat agéntliqining xewirige qarighanda, ikki yilliq yipek yoli programmisigha bir milyon amérika dolliri ajritilghan. Programma boyiche, qedimi yipek yoli üstidiki rayonlardiki soda we sayahetchilik ishlirigha meblegh sélinidiken.

Birleshken döletler teshkilati xitayni tereqqi qildurush programmisining wekili xalid malikning bildürüshiche, qedimiy yipek yolini janlandurush programmisgha xitay, qazaqistan, qirghizistan, tajikistan we özbékistan hökümetliri qatnishidiken.

9600 Kilométir uzunluqtiki qedimiy yipek yoli, esirler ilgiri asiya bilen yawropani tutashturidighan meshhur soda yoli bolup, Uyghur éli bu soda yolidiki bir muhim musape hésablinatti.

B d t emeldari xalid malik qedimiy yipek yoli üstidiki rayonlarda soda we sayahetchilikni rawajlandurush arqiliq, bu rayonlardiki namratliq weziyitini yaxshilashni ümid qilidighanliqini bildürdi. (Arzu)