Уйғур елидә йирақтин оқутуш қош тиллиқ маарип синиқи башланди


2005-05-17
Share

Уйғур аптоном районлуқ маарип тармақлири, интернет арқилиқ йирақтин оқутуш тәҗрибисини йолға қоюп, уйғур елидики вилайәт, област вә шәһәрләрдин болуп 16 җайдики миллий мәктәпләрдә хитайчә оқутушни синақ қилди.

Хитай агентлиқиниң хәвиригә қариғанда, мәзкур йирақтин оқутуш тәҗрибиси бойичә, турпандики буйлуқниң нами билән түзүлгән хитайчә оқутуш дәрслики бу җайлардики һәр қайси аз санлиқ милләт оқуғучилириға интернет арқилиқ бир туташ өтүлидикән.

Синақ қилинидиған җайлар уйғур елиниң шималидики асаслиқ шәһәр, област вә вилайәтләрдин сирт йәнә, җәнубтин хотән, қәшқәр вә ақсу қатарлиқ җайларниму өз ичигә алған. Шундақла бу җайлардики оқуғучилар хитайчә дәрсликтин башқа йәнә, әдәбият, математика, физика, химийә вә компютер дәрсликлириниму интернет арқилиқ бир вақитта тәңла алалайдикән.

Уйғур аптоном районлуқ маарип назаритиниң башлиқи саттар савут, йирақтин оқутуш маарипиниң уйғур елидики оқутқучилар сепиниң һәр қайси җайлардики тарқилишиниң тәкши болмаслиқини һәл қилиш мәқситидә елип берилғанлиқини билдүрди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт