Йод маддисиниң кәмчил болуши , уйғур ели вә тибәтләрдә кесәллик пәйда қилмақта


2007-05-21
Share

Гәрчә ичимлик тузға йод қошуш қурулуши 1995 - йилидин буян кәң қанат яйдурулған болсиму, хитайда 100 милйондәк адәм йод маддиси йетишмәслик әһвалиға дуч келидикән. Һалбуки, буларниң коп қисми уйғур ели, тибәт вә чиңхәй райониға топлашқан икән.

Шинхуа ахбарат торида аптоном районниң муавин рәиси күрәш мәхсутниң ейтқанлиридин нәқил көрситилишичә, хәлқниң йод қошулған ичимлик туз сетивелишини капаләткә игә қилиш үчүн уйғур аптоном районлуқ һөкүмәт йилиға 20 милйон йүән чиқим қилип 4.5 Милйон адәмгә 5 йүәндин ярдәм қилишни пиланлиған.

Хитайда һәр йили туғулидиған 20 милйон бовақниң ичидә 1 милйонғичә бовақ йод йетишмәслик әһвалиға дуч келидикән.

Ройтерс агентлиқиниң 20 ‏- майдики хәвиридә ейтилишичә, хитай шәһәрлири вә деңиз бойиға җайлашқан районларда иқтисади йүксилиш наһайити зор болған болсиму, хитайниң ғәрбий шимал қисмидики районлар маарип вә саламәтлик әһвали җәһәттә бәк кәйнидә қалған.

Хәвәрдә йәнә, уйғур ели уйғур мусулманларниң вә башқа аз санлиқ милләтләрниң макани, тибәт вә чиңхәйдә тибәтләр вә туңганлар яшайду. Хитайлар уйғур вә тибәтләрниң мустәқиллиқ һәрикәтлирини еғир бастуруп кәлгән болуп, уларниң хитайдики иқтисади йүксилиштин бәһриман болалмиғанлиқи көрситилгән.(Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт