Yod maddisining kemchil bolushi , Uyghur éli we tibetlerde késellik peyda qilmaqta


2007-05-21
Share

Gerche ichimlik tuzgha yod qoshush qurulushi 1995 - yilidin buyan keng qanat yaydurulghan bolsimu, xitayda 100 milyondek adem yod maddisi yétishmeslik ehwaligha duch kélidiken. Halbuki, bularning kop qismi Uyghur éli, tibet we chingxey rayonigha toplashqan iken.

Shinxu'a axbarat torida aptonom rayonning mu'awin re'isi küresh mexsutning éytqanliridin neqil körsitilishiche, xelqning yod qoshulghan ichimlik tuz sétiwélishini kapaletke ige qilish üchün Uyghur aptonom rayonluq hökümet yiligha 20 milyon yüen chiqim qilip 4.5 Milyon ademge 5 yüendin yardem qilishni pilanlighan.

Xitayda her yili tughulidighan 20 milyon bowaqning ichide 1 milyon'ghiche bowaq yod yétishmeslik ehwaligha duch kélidiken.

Roytérs agéntliqining 20 ‏- maydiki xewiride éytilishiche, xitay sheherliri we déngiz boyigha jaylashqan rayonlarda iqtisadi yüksilish nahayiti zor bolghan bolsimu, xitayning gherbiy shimal qismidiki rayonlar ma'arip we salametlik ehwali jehette bek keynide qalghan.

Xewerde yene, Uyghur éli Uyghur musulmanlarning we bashqa az sanliq milletlerning makani, tibet we chingxeyde tibetler we tungganlar yashaydu. Xitaylar Uyghur we tibetlerning musteqilliq heriketlirini éghir basturup kelgen bolup, ularning xitaydiki iqtisadi yüksilishtin behriman bolalmighanliqi körsitilgen.(Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet