Uyghur aptonom rayoni haywanlardin tarqilidighan yuqumluq késellikler toghrisida jiddiy uqturush tarqatti


2006.03.03
Share on WhatsApp
Share on WhatsApp

Xitay da'iriliri Uyghur aptonom rayonida haywanlardin tarqilidighan yuqumluq késellikler toghrisida jiddiy uqturush tarqitip, nöwette Uyghur aptonom rayoni boyiche haywanlardin tarqilidighan zor kölemdiki yuqumluq késelliklerning partlash éhtimali yenila éghir, dep agahlandurdi.

"Shinjang géziti" ning xewer qilishiche, bu agahlandurushni Uyghur aptonom rayonining mu'awin re'isi chyen jiy ötken ayning axirliri ürümchide chaqirilghan yuqumluq késellikler toghrisidiki bir yighinda otturigha qoyghan. Uqturushta " nöwette shinjang boyiche zor kölemdiki haywanlardin tarqilidighan yuqumluq késellikler we uni kontrol qilish xizmiti duch kéliwatqan weziyet yenila intayin éghir. Bu késellikning bahar pesilide yene partlash éhtimalliqini chetke qaqqili bolmaydu " dep agahlandurulghan. Uyghur aptonom rayoni xitay boyiche qush zukam wirusi eng köp bayqalghan rayon hésablinidu. Mezkur rayonda ötken yili 9 - aydin bu yilning bashlirighiche pichan, dawanching, künes, poskam qatarliq 9 jayda qush zukam wirusi bayqalghan.

Emma xitay da'iriliri hazirghiche rayonda ademlerning qush zukam wirusidin yuqumlinish weqesi yüz bermigenlikini eskertmekte. Béyjing hökümiti yerlik da'irilerdin haywanlarda bayqilidighan éghiz - tuyaq yallughi we qush zukam wirusigha qarshi mejburiy immunitlash élip bérishni telep qilghan. Emma uqturushta eskertishiche, aptonom rayonda haywanlarni yuqumluq késelliklerge qarshi immunitlash xizmiti ongushluq bolmighan. Buning asasliq sewebi haywanlarni immunitlashqa kétidighan qoshumche yardemning jayigha yétip barmighanliqidin iken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.