Уйғур елидә юқумлуқ кесәллик көпәймәктә


2007-07-16
Share

Уйғур елидә чиқидиған нопузлуқ ахбарат васитилириниң сәһийә назаритиниң уқтурушини асас қилип хәвәр қилишичә, уйғур елидә 10 хил юқумлуқ кесәлликниң юқум әһвалида өрләш вәзийити көрүлгән.

Сәһийә назаритиниң доклатида ашкарилишичә, юқумлуқ кесәлликләрниң ичидә, қол-пут вә еғиз-бурунларға әсвә чиқиш әһвали илгирикидин 6 һәссидин көпрәк ашқан вә қизил, көкйөтәл қатарлиқ кесәлликләрниң юқум әһвали илгирики йиллардикидин көринәрлик өрлигән.

Униңдин башқа йәнә, кезик, паратиф вә башқа юқумлуқ ич сүрүш кесәлликиниң көп йүз бериш вәзийитигә қарита, сәһийә назарити җайлардики сәһийә тармақлиридин, кесәлликләрниң алдини елиши " кесәлликниң кириш еғизи" ни тосуш хизмитини яхши ишләшни тәләп қилған.

Һалбуки, уйғур елидики сәһийә тармақлири бу хил вәзийәтниң шәкиллинишидики сәвәбләрни, "иммунитетлаш хизмитидә муәййән мәсилиләрниң сақлиниватқанлиқи" вә яки " начар тазилиқ адәтлири" дегәндәк сәвәбләрдин издимәкчи болған болсиму, әмма мәзкур кесәлләрниң юқум әһвалиниң өрләш вәзийитиниң зади қандақ шәкилләнгәнлики яки бу хил вәзийәтни шәкилләндүргән асасий амилниң немә икәнлики вә яки уларниң алдин елиштики конкретни тәдбирләр үстидә тохталмиған. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт