Uyghur élide yuqumluq késellik köpeymekte


2007-07-16
Share

Uyghur élide chiqidighan nopuzluq axbarat wasitilirining sehiye nazaritining uqturushini asas qilip xewer qilishiche, Uyghur élide 10 xil yuqumluq késellikning yuqum ehwalida örlesh weziyiti körülgen.

Sehiye nazaritining doklatida ashkarilishiche, yuqumluq késelliklerning ichide, qol-put we éghiz-burunlargha eswe chiqish ehwali ilgirikidin 6 hessidin köprek ashqan we qizil, kökyötel qatarliq késelliklerning yuqum ehwali ilgiriki yillardikidin körinerlik örligen.

Uningdin bashqa yene, kézik, paratif we bashqa yuqumluq ich sürüsh késellikining köp yüz bérish weziyitige qarita, sehiye nazariti jaylardiki sehiye tarmaqliridin, késelliklerning aldini élishi " késellikning kirish éghizi" ni tosush xizmitini yaxshi ishleshni telep qilghan.

Halbuki, Uyghur élidiki sehiye tarmaqliri bu xil weziyetning shekillinishidiki seweblerni, "immunitétlash xizmitide mu'eyyen mesililerning saqliniwatqanliqi" we yaki " nachar taziliq adetliri" dégendek seweblerdin izdimekchi bolghan bolsimu, emma mezkur késellerning yuqum ehwalining örlesh weziyitining zadi qandaq shekillen'genliki yaki bu xil weziyetni shekillendürgen asasiy amilning néme ikenliki we yaki ularning aldin élishtiki konkrétni tedbirler üstide toxtalmighan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet