Хитай һөкүмити үрүмчидә еғиз, қол, пут яллуғлинидиған юқумлуқ кесәлдин сақлиниш һәққидә агаһландуруш елан қилди


2007-06-20
Share

Тәңритағ тор бетидин мәлум болушичә, хитай һөкүмитиниң үрүмчи шәһиридики кесәлликләрдин мудапиәлиниш мәркизи йеқинда, бейҗиңда вә башқа өлкиләрдә көрүлгән җиддий юқумлуқ кесәлликләр әһвалиға асасән, үрүмчидиму еғиз, қол, пут яллуғлинидиған бирхил юқумлуқ кесәлдин сақлиниш һәққидә агаһландуруш елан қилған.

Агаһландурушта ейтилишичә, бу хил юқумлуқ кесәллик гәндә, түкүрүк, қоляғлиқ, чиш чоткиси, оюнчуқ қатарлиқлар арқилиқ 5 яштин төвән балиларға тиз юқуп, җиддий ички әза кесәлликлирини кәлтүрүп чиқиридикән.

Үрүмчи аһалилириниң инкас қилишичә, һазир үрүмчидә йемәк -ичмәк тазилиқиниң начарлиқи бир чоң иҗтимаий мәсилә болуп қалған. Херидарлар һазир хитайчә маркиси бар йемәкликләр, болупму балилар йемәклирини сетивелиштин һәзәр әйләйду. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт