Нилқа балчилиқ мәйданида һәсәл һәрилириниң кәң көләмдә зәһәрлинип өлүши келип чиқти

• 
  2005-07-08

Уйғур елидики әң чоң һәсәл ишләпчиқириш мәйдани болған или аптонум областиға җайлашқан нилқа балчилиқ мәйданиниң 1- һәм -2- районлирида, түркүм- түркүм һәсәл һәрилири йеңила химийилик деһқанчилиқ дориси чечилған қича чечәклиридин зәһәрлинип, кәң көләмдә қирилип кәткән.

8- Июл, уйғур ели хәвәр тор бәтлиридин мәлум болушичә, һәсәл һәрилириниң кәң көләмдә өлүши, һазирға қәдәр балчиларға бир милйон юәндин артуқ зиян елип кәлгән.

Нилқидики зиянға учриған балчилар гәрчә, қалған һәсәл һәрилириниң давамлиқ өлүшиниң алдини елиш үчүн, һәрә увилириға өзлири ясиған қутқузуш дорилини чечип амал қилип көргән болсиму, нилқа балчилиқ мәйданидики һәсәл һәрилири йәнила давамлиқ өлмәктә икән.

Химийилик дориларни қалаймиқан ишлитиш, илмий техникилиқ васитә қолланмаслиқ қатарлиқ сәвәнликләр билән келип чиққан бу б һәсәл һәрилириниң кәң көләмдә қирилиш вәқәсиниң, иқтисадий һәм екологийә җәһәттә елип келидиған зиянлириниң еғир болидиғанлиқи қияс қилинмақта. (Гүлчеһрә)