Nilqa balchiliq meydanida hesel herilirining keng kölemde zeherlinip ölüshi kélip chiqti

• 
  2005-07-08

Uyghur élidiki eng chong hesel ishlepchiqirish meydani bolghan ili aptonum oblastigha jaylashqan nilqa balchiliq meydanining 1- hem -2- rayonlirida, türküm- türküm hesel heriliri yéngila ximiyilik déhqanchiliq dorisi chéchilghan qicha chéchekliridin zeherlinip, keng kölemde qirilip ketken.

8- Iyul, Uyghur éli xewer tor betliridin melum bolushiche, hesel herilirining keng kölemde ölüshi, hazirgha qeder balchilargha bir milyon yu'endin artuq ziyan élip kelgen.

Nilqidiki ziyan'gha uchrighan balchilar gerche, qalghan hesel herilirining dawamliq ölüshining aldini élish üchün, here uwilirigha özliri yasighan qutquzush dorilini chéchip amal qilip körgen bolsimu, nilqa balchiliq meydanidiki hesel heriliri yenila dawamliq ölmekte iken.

Ximiyilik dorilarni qalaymiqan ishlitish, ilmiy téxnikiliq wasite qollanmasliq qatarliq sewenlikler bilen kélip chiqqan bu b hesel herilirining keng kölemde qirilish weqesining, iqtisadiy hem ékologiye jehette élip kélidighan ziyanlirining éghir bolidighanliqi qiyas qilinmaqta. (Gülchéhre)