Хитай һөкүмити уйғур елидә әң чоң шорлуқ химийиви оғут базиси қурмақчи


2006.11.14
Share on WhatsApp
Share on WhatsApp

Хитай даирилириниң үрүмчидин бәргән хәвиридин мәлум болушичә, уйғур елиниң лопнор көли әтрапиға җайлашқан шорни материял қилған калийлиқ химийә оғути ишләпчиқириш базисидин кейин, хитай һөкүмити пичан наһийисидә хитай бойичә әң чоң болған шорни материял қилған калийлиқ химийә оғут базиси қурмақчи.

Турпан вилайити сода идарисиниң мәлум қилишичә, хитайниң җеҗяң вәнйүән ширкити пичан наһийисидә бир йиллиқ тәкшүрүш вә тәтқиқат елип барған һәмдә 200 милйон тонниға йеқин калийлиқ шор мәйданини байқиған. Мәзкур җай дуня буйичә әң чоң шортаңлиқ болуп һесаблинидикән.

Турпан вилайәтлик сода идарисиниң муавин башлиқи ли линиң билдүрүшичә, хитай һөкүмитиниң мәзкур җайдики шортаңлиқта калийлиқ химийивий оғут ишләпчиқириш хизмити үчүн дәсләптә салған мәблиғи 1 милярд 100 миң йүән болған, улар бундин кейин техиму көпләп мәбләғ салмақчи икән. Мәлуматта ейтилишичә, мәзкүр җайда шортаңлиқтики тәбиий байлиқ мәнбәсидин пайдилинип, алий сүпәтлик химийивий оғут ишләпчиқарғили болидикән. Һазир мәйли хитайда болсун яки дуняниң башқа җайлирида болсун, бу хил оғут наһайити кәмчил икән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.