Xitay hökümiti Uyghur élide eng chong shorluq ximiyiwi oghut bazisi qurmaqchi


2006.11.14

Xitay da'irilirining ürümchidin bergen xewiridin melum bolushiche, Uyghur élining lopnor köli etrapigha jaylashqan shorni matériyal qilghan kaliyliq ximiye oghuti ishlepchiqirish bazisidin kéyin, xitay hökümiti pichan nahiyiside xitay boyiche eng chong bolghan shorni matériyal qilghan kaliyliq ximiye oghut bazisi qurmaqchi.

Turpan wilayiti soda idarisining melum qilishiche, xitayning jéjyang wenyüen shirkiti pichan nahiyiside bir yilliq tekshürüsh we tetqiqat élip barghan hemde 200 milyon tonnigha yéqin kaliyliq shor meydanini bayqighan. Mezkur jay dunya buyiche eng chong shortangliq bolup hésablinidiken.

Turpan wilayetlik soda idarisining mu'awin bashliqi li lining bildürüshiche, xitay hökümitining mezkur jaydiki shortangliqta kaliyliq ximiyiwiy oghut ishlepchiqirish xizmiti üchün deslepte salghan meblighi 1 milyard 100 ming yüen bolghan, ular bundin kéyin téximu köplep meblegh salmaqchi iken. Melumatta éytilishiche, mezkür jayda shortangliqtiki tebi'iy bayliq menbesidin paydilinip, aliy süpetlik ximiyiwiy oghut ishlepchiqarghili bolidiken. Hazir meyli xitayda bolsun yaki dunyaning bashqa jaylirida bolsun, bu xil oghut nahayiti kemchil iken. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.