Uyghur aptonom rayonida zeherlik chékimlik xumarlirigha yéngi türdiki dora ishlitish teshebbus qilindi


2007.03.16
Share on WhatsApp
Share on WhatsApp

Xitay sehiye ministirliqi, Uyghur aptonom rayoni we gu'angshi qatarliq zeherlik chékimlik ehwali éghir bu ikki rayonda zeherlik chékimlik tashlighuchilargha xumar qayturghuchi métadén dorisi ishletmeslik , buning ornigha en'giliyide ishlen'gen sab'oksnér, dep atlidighan zeher qayturghuchi yéngi dora ishlitishni telep qildi.

Dora mutexessislirining eskertishiche, nurghun zeherlik chékimlik tashlighuchilar xumar qayturghuchi dora métadénni xata ishletken shundaqla benggilerning métadén'gha xumar bolup qélish ehwalliri körülgen. Shinxu'a axbarat agéntliqining xewerqilishiche, bu ehwalda xitay sehiye ministirliqi Uyghur ili we gu'angshida zeherlik chékimlik tashlighuchilargha métadin ornigha sab'oksnér ishlitishni telep qilghan. Lékin sehiye ministirliqi yuqiriqi ikki rayonda sab'oksnérni ishletkende yenila diqqetlik bolushni agahlandurdi. Chünki bu dora sinaq basquchidiki dora bolup, sehiye organliri zeherlik chékimlik tashlighuchilargha bu dorini ishletkende ular bilen toxtam tüzüshini telep qildi. Métadén xitayda uzun yillardin béri zeherlik chékimlik tashlighuchilarni dawalashta ishlitilip kelmekte idi. Xitay sehiye ministirliqining eskertishiche, 2006-yilgha qeder xitay boyiche 36 ming zeherlik chékimlik tashlighuchi métadén qollan'ghan.

Nöwette xitay boyiche tizimgha élin'ghan zeherlik chékimlik chekküchiler 460 ming etrapida bolup, Uyghur aptonom rayoni bilen gu'angshi ju'angzu aptonom rayoni xitayda zeherlik chékimlik chekküchiler shundaqla eydiz bilen yuqumlan'ghuchilar sani eng köp rayonlar hésablinidu. Shinxu'a axbarat agéntliqining xewiride hökümet terep , Uyghur aptonom rayonining eydiz bilen yuqumlinish jehette xitay buyiche 4 - orunda turidighanliqini we eydiz bilen yuqumlan'ghuchilarning ürümchide eng köp ikenlikini bildürdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet