Zeherlik chékimlik mesililiri köpeymekte

Xitayning Uyghur rayonidiki resmi axbarat torlirining uchurliridin qarighanda, yéqindin buyan zeherlik chékimlik chékish, pahishilik bilen shughullinish we shehwaniy sorunlarni qurush ishliri Uyghur diyarida téximu köpiyishke bashlighan.

Xitay xewer torlirining ashkarilishiche, téxi yéqindila ürümchidiki xitay saqchi da'iriliri bir kolléktip shehwaniy sorunni tazilighan bolup, hetta mezkur jaydin bir qanche neper saqchi xadimlirimu tutulghan idi.

" Shinjang xewer torining" uchuridin qarighanda, 4-dékabir küni ürümchi saqchi da'iriliri melum bir qawaqxanining xas hojrisida topliship zeherlik chékimlik chekken 17 ademni qolgha chüshürgen. Uningdin ilgiri yene bashqa bir qawaqxanining xas hojrsidin, topliship zeherlik chékimlik chekken 20 nechche adem qolgha chüshürülgen iken.

Munasiwetlik kishilerning inkas qilishiche, hazir, ürümchidiki bir qisim qawaqxanilar hetta résturanlar ayrim hojrilarni teyyarlap, zeherlik chékimlik chekküchiler we shehwaniliq bilen shughullan'guchilar üchün mulazimet qilip pul tépip, bu arqiliq jemiyetning ehlaqi buzulushining éghirlishishigha türtke bolmaqta. (Ümidwar)