Aqtuda qoylarning altun zawutidin chiqqan sudin zeherlinip ölüsh weqesi yüz berdi


2004-08-26
Share

Qizilsu oblastining aqtu nahiyisi muji yézisida yéqinda altun kandin chiqqan kéreksiz suni istimal qilghanliqtin 100 toyaqtin artuq qoy zeherlinip öldi.

Xitay da'irilirining melumatigha qarighanda, bu ayning 8 - küni muji yézisidiki bir déhqan qoylirini yaylitiwatqanda, qoylar mujiyen altun kanidin chiqqan sular qoyup bérilgen kölchektiki suni ichip, ikki sa'ettin kiyin bir nechche qoy arqa- arqidin ölüp ketken. 25 - Awghustqiche ölgen qoylarning sani 117 ge yetken.

Mezkür déhqan bu ishni yéziliq hökümet da'irilirige melum qilghandin kiyin, muhit idarisining téxnikliri altun zawuti kéreksiz sulirini qoyup béridighan kölchektin we etrapidiki tupraqlardin ülge élip tekshürginide, bularning terkibide ötkür zeherlik ximiyilik birikmining barliqi bayqalghan.

Xewerdin ashkarilinishiche, mezkür mujiyen altun kéni 1994 - yili qurulghan waqtidila kan ichishta ötkür zeherlik karbonluq birikmini ishletken. Ötken yili 8 - ayda aqtu nahiyilik kan échish shirkiti mujiyen kömür kanini ötküziwalghandin kiyin, kandiki qalduq maddilarni bir terep qilishta ishlitilgen terkibide zeherlik karbonluq birikme bar sular kéreksiz su kölchikige qoyup bérilgen.

Xitay da'iriliri xewerde, bu xil zeherlik sularning qoyup bérilishi we tupraqlargha singishining insanlarning salametlikige qanchilik tesiri bolidighanliqi heqqide melumat bermigen. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet