Текәстә йимәкликтин зәһәрлиниш вәқәси көрүлүп 3 аял қаза қилди


2006.04.30
Share on WhatsApp
Share on WhatsApp

Уйғур елиниң или области текәс наһийисидә шәнбә күни йимәкликтин зәһәрлиниш вәқәси йүз берип, 3 киши қаза қилған. Шундақла һазир 17 киши дохтурханида қутқузиливатқан болуп, уларниң арисида 4 и һазирғичә хәтәр астида турмақта. Мәлум болушичә, уларниң һәммиси аяллар икән.

Тәңритағ хәвәр ториниң мәлум қилишичә, дәсләп хәйриниса исимлик бир аял өйидә йегән бир вақ тамақтин кейин зәһәрлинип, қутқузуш үнүм бәрмәй қаза қилған. Нәтиҗидә шәнбә күни униң нәзиригә қатнишиш үчүн бу аялниң өйигә кәлгән 20 гә йеқин аял нәзирдә йигән нәрсилиридин зәһәрлинип шу йәрдила ағрип қалған.

Мәлум болушичә, нәзир болған өйниң игиси уларни сүтлүк чай, нан вә пишурулған тохулар билән күткән икән. Меһманлар бу нәрсиләрни йәп узун өтмәйла, беши қейиш, көңли елишиш, деми сиқилиш аламәтлири көрүлүп, дохтурханиға җиддий қутқузушқа елип келингән. Бу аялларниң чоңи 78 яшта кичики 27 яшта икән.

Текәс наһийилик җиддий кесәлликләрни контрол қилиш мәркизи һазир улар истимал қилған сүтлүк чай, туз, нан вә тохулар үстидин тәкшүрүш елип бармақта. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.