Uyghur aptonom rayonida yesli balilirining tamaqtin zeherlinish weqesi yüz berdi

Uyghur aptonom rayonining merkizi ürümchide aldinqi küni yesli balilirining tamaqtin zeherlining weqesi yüz bérip, az dégende 16 bala doxturxanigha yatquzuldi.

Xitay metbu'atliri bu weqeni xitay mektepliridiki yémekliklerge hidrogén yétishmeslik ehwalining éghirliqini ipadileydighan yene bir hadise, dep körsetti. Xewerde weqe yüz bergen yeslining ismi tilgha élinmidi, lékin shinxu'a axbarat agéntliqi, zeherlen'gen balilarning 2 yashtin 5 yashqiche arliqta bolup, ürümchidiki bir doxturxanida dawaliniwatqanliqini bildürdi.

Xewerlerge qarighanda balilar charshenbe küni kechlik tamiqigha purchaq yégendin kéyin bi'aram bolushqa bashlighan. Bezi balilar doxturxanidin chiqqan bolsimu, lékin bir balining salametliki yenila éghir ehwalda turmaqta.

Yesli balililirining tamaqtin zeherlinish weqeliri xitayda köp uchuraydighan hadise bolup qaldi. Bu ayning bashliri gu'angju shehiride 50 tek oqughuchi we 2 oqutquchining purchaq süti we qizil purchaq torti yigendin kéyin zeherlinish weqesi yüz bergen. Buningdin burun sichü'ende 100 dek yesli balisi tamaqtin zeherlinip doxturxanida yatquzulghan. (Erkin)