Уйғур аптоном районида 9 киши намәлум бир хил газда зәһәрләнди


2006.11.10

Уйғур аптоном райониниң алар шәһиридики бир бинада олтуридиған 9 киши һазирғичә исми ашкариланмиған сирлиқ газда зәһәрлинип дохтурханиға кирип қалди.

Интерфакс ахбарат агентлиқиниң хәвәрқилишичә, алар шәһиридики йәрлик дохтурхана даирилири 9 кишиниң җүмә күни әтигән саәт 5:00 дин 8: 00 гичә арилиқта беши қейип көзи қараңғулашқанлиқини вә яндурғандин кейин дохтурханиға елип берилғанлиқини мәлум қилған.

Йәрлик һөкүмәт даирилири вәқә йүз бәргән бинада олтуридиған бир аял вә униң оғлиниң шу күни әтигәндә дохтурханиға елип берилғанлиқини вә сақчилар бинада тәкшүрүш елип берип газдин зәһәрләнгән йәнә 7 кишини қутқузғанлиқини билдүрди.

Хәвәрләргә қариғанда газдин зәһәрләнгән 2 киши һушсиз һалаттә байқалған. Йәрлик даириләр вәқәгә генератордин чиққан зәһәрлик газниң сәвәбчи болғанлиқини илгири сүрсиму, лекин бу гуманниң тоғра икәнлики техи испатланмиған. Дохтурхана даирилири кесәлләрниң қайси хилдики газдин зәһәрләнгәнликини елан қилмиди.

Алар шәһири бурун шинҗаң ишләпчириқиш - қурулуш биңтүәнигә тәвә бир полк иди. Хитай һөкүмити буниңдин бир қанчә йил бурун биңтүәнни күчәйтиш баһансидә бу җайни шәһәр дәриҗисигә көтәргән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.