Uyghur aptonom rayonida 9 kishi namelum bir xil gazda zeherlendi

Uyghur aptonom rayonining alar shehiridiki bir binada olturidighan 9 kishi hazirghiche ismi ashkarilanmighan sirliq gazda zeherlinip doxturxanigha kirip qaldi.

Intérfaks axbarat agéntliqining xewerqilishiche, alar shehiridiki yerlik doxturxana da'iriliri 9 kishining jüme küni etigen sa'et 5:00 din 8: 00 giche ariliqta béshi qéyip közi qarangghulashqanliqini we yandurghandin kéyin doxturxanigha élip bérilghanliqini melum qilghan.

Yerlik hökümet da'iriliri weqe yüz bergen binada olturidighan bir ayal we uning oghlining shu küni etigende doxturxanigha élip bérilghanliqini we saqchilar binada tekshürüsh élip bérip gazdin zeherlen'gen yene 7 kishini qutquzghanliqini bildürdi.

Xewerlerge qarighanda gazdin zeherlen'gen 2 kishi hushsiz halatte bayqalghan. Yerlik da'iriler weqege génératordin chiqqan zeherlik gazning sewebchi bolghanliqini ilgiri sürsimu, lékin bu gumanning toghra ikenliki téxi ispatlanmighan. Doxturxana da'iriliri késellerning qaysi xildiki gazdin zeherlen'genlikini élan qilmidi.

Alar shehiri burun shinjang ishlepchiriqish - qurulush bingtüenige tewe bir polk idi. Xitay hökümiti buningdin bir qanche yil burun bingtüenni kücheytish bahanside bu jayni sheher derijisige kötergen. (Erkin)