Xitay Uyghur élide 50 künlük "qaqshatquch zerbe bérish" herikitini bashlidi

Xitayning -1 öktebir dölet bayrimi kélish aldida, xitay hökümiti Uyghur élide 50 künlük " qaqshatquch zerbe bérish" herikitini qanat yaydurdi.

" Shinjang iqtisad géziti" ning xewer qilishiche, bu qétimliq " qaqshatquch zerbe bérish herikiti" 8- ayning axiriliri bashlinip, 10- ayning otturilirighiche dawam qilidiken. Hemde bu heriket asasliqi xitayning tawuz chaghini we dölet bayrimi mezgilide Uyghur élining jem'iyet amanliqi we siyasiy muqimliqini berpa qilishni meqset qilidiken.

Uyghur aptonom rayonluq jama'et xewpsizlik idarisi, özlirining bu heriketni bashlapla ünümlük netijilerni qolgha keltürgenlikini jakarlap, 9- ayning 1- künidin 15- giche bolghan ariliqtila, pütün Uyghur éli boyiche 3 mingdin oshuq déloni pash qilghanliqini bildürgen.

Muxbirimiz bu heqte tepsiliy melumatqa érishish üchün munasiwetlik saqchi idarilirigha téléfon achqinida, ular bu mexpiy razwétka bolghanliqi üchün bu heqte jawap bérelmeydighanliqini bildürgen. (Peride )

Munasiwetlik maqalilar

Uyghur élida xitay dölet bayrimi harpisida "qaxshatquch zerbe bérish" herikiti qayta bashlandi