Uyghur aptonom rayonluq sot mehkime yighini ikki chong zerbe bérish nishanini békitti

Uyghur aptonom rayonluq sot mehkimisi yéqinda 2 chong nuqtiliq zerbe bérish nishanini békitip, yéngi bir yilda " 3 xil küch " ke we iqtisadiy sahediki jinayi heriketlerge qaqshatquch zerbe bérishni tekitlidi.

Tengritagh tor bétining xewiride körsitilishiche, bu belgilime 1 - ayning 4 - küni ürümchide échilghan aptonom rayonluq sot mehkime yighinida otturigha qoyulghan bolup, uningda " 3 xil küch " bilen iqtisadiy jinayetlerge zerbe bérish, Uyghur élidiki her derijilik sot mehkimilirining asasliq wezipisi qilip békitilgen.

Yighinda yene, " 3 xil küch " lerning Uyghur aptonom rayonining muqimliqigha körsitiwatqan asasliq tehdit bolup, herqaysi millet xelqlirining ortaq düshmini hésablinidighanliqi körsitilip, shu sewebtin her qaysi derijilik sot mehkimilirining qattiq basturush we qaqshatquch zerbe bérish weziyitini saqlap, bu küchlerge qet'iy qarshi turushi telep qilin'ghan.

Xitayning " 3 xil küch " ke zerbe bérish digini térrorchiliqqa, bölgünchilikke we diniy radikalgha qarshi turushni körsitidighan bolup, Uyghur pa'aliyetchiliri xitayning bu nam bilen Uyghurlarning erkinlikini her tereptin basturushqa uriniwatqanliqini eyiplimekte. (Peride)