Qazaqistan prizdénti Uyghur aptonom rayunini ziyaret qilidu


2004-09-17
Share

Qazaqistanning xitayda turushluq bash elchisi qalibuzanof aldinqi küni qazaqistan elchixanisida muxbirlarni kütüwélish yighini chaqirip , qazaqistan prizdénti nursultan nazarbayéfning 9 - ay ichide Uyghur aptonom rayunini ziyaret qilidighanliqini élan qildi .

Qalibuzanofning bildürüshiche , nazarbayéfning Uyghur ilidiki ziyariti qazaqistan prizdéntining bu yil 5 - ayda élip barghan xitaydiki ziyariti jeriyanida ikki dölet rehberliri imzalighan kélishimlerge asasen emilili'ishidu . Qalibuzanof , nazarbayéening Uyghur aptonom rayunidiki xizmet ziyariti 9 - ayning 24 we 25 - künliri élip bérilidighanliqini bildürgen . Xitay metbu'atliri qazaqistan prizidéntining ziyariti xitay - qazaqistan otturisidiki énirgiye , teb'iy gaz we éliktir küchi sahesidiki hemkarliq istiqbali üstide muzakire élip bérishni mexset qilidu dep körsetmekte .

Nazarbayéf Uyghur ilidiki ziyaret jeriyanida atasu - alataw néfit turubisining qurulush bashlash murasimigha qatnishishi mümkin . U yene qazaqistan bilen xitay otturisidiki qorghas chigra soda hemkarlik merkizini qurush kélishimige imza qoyush murtasimigha ishtirak qilidu . Qazaqistan xitayning shangxey hemkarliq teshkilatidiki shériklirining biri . Biraq ikki dölet otturisida Uyghur aptonom rayunidiki bir milyon'gha yéqin qazaqni qazaqistan'gha köchürüsh mesilisidiki ixtilap hazirghiche hel bolmay keldi. Buningdin sirt ili deryasi bilen értish deryasining suyini teqsim qilish mesilisidi'iki ixtilaplar ikki dölet munasiwétige kölengge chüshürüp kéliwatqan mesililerning biri hisaplinidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet