Ottura we gherbiy asiyadiki Uyghur muhajirlar ömiki ürümchini ziyaret qildi


2005-07-08
Share

Özini qazaqistan, qirghizistan, tajikistan, türkiye we se'udi erebistanda olturushluq Uyghur muhajirlarning wekili, dep atiwalghan bir muhajirlar ömiki ürümchini ziyaret qilip, Uyghur aptonom rayoni re'isi ismayil tiliwaldining qobul qilishigha érishti.

Közetküchilerning bildürüshiche, atalmish muhajirlar ömikining ziyariti xitay da'irilirining chet'eldiki sherqiy türkistan küchlirini parchilash, qolgha keltürüshke bolidighan küchlerni özige tartish pilanining bir qisimiken.

Muhajirlar ömikidiki qazaqistanliq wekillerge qurbanow enwer yitekchilik qilghan. 6 - Iyuldiki kütüwélish murasimida re'is ismayil tiliwaldi, "merkizi hökümet yéqinqi besh yilda shinjangning asasi esliheler qurulushigha 40 milyard yü'en meblegh saldi, bu yil mebleghni 14 milyard yü'en köpetyishni pilanlimaqta," dep tekitligen.

Emma xitayning gherbni échish istratégiyisini tenqid qilghuchilar, xitayning Uyghur aptonom rayonigha salghan meblighi Uyghurlarni menpe'etdar qilish üchün emes, xitay köchmenlirini orunlashturush, dep tenqidlimekte.

Qurbanow enwerning ashkarilishiche, ömektiki köp qisim ezalarning wetenni tunji qétim ziyaret qilishiken. Igillishimizche, xitay hökümiti qirghizistanliq Uyghur ittipaqining sabiq re'isi nurmuhemmed kenji arqiliq qazaqistan Uyghur ittipaqining re'isi qehriman ghojamberdini ziyaretke teklip qilghan. Emma qehriman ghojamberdi teklipni ret qildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet