Америка диний әркинлик комитети әзалири уйғур елидики зияритидә қәшқәрғичә бармақчи
2005.08.10
Америка хәлқара диний әркинлик комитети чаршәнбә күни уйғур елигә қилидиған зияритиниң 19 -авғусттин 21 - авғустқичә давам қилидиғанлиқини билдүрди.
Мәзкур комитетниң ярдәмчи тәтқиқатчиси миндий лармор ханимниң әркин асия радиомизға мәлум қилишичә, улар уйғур елидики сәпиридә үрүмчидин сирт йәнә, қәшқәрғиму баридикән. Шундақла сәпириниң ахирқи күни қәшқәрдики зияритидә һейткаһ мәсчитини көздин көчүридикән һәмдә мәсчит имамлири билән көрүшидикән.
Мухбиримизниң игилишичә, америка хәлқара диний әркинлик комитети вәкилләр өмики уйғурелидики 3 күнлүк зияритидә уйғур аптоном райониниң рәиси исмайил тиливалди билән һәмдә аптоном районлуқ диний ишлар комититиниң мудири, җамаәт хәвпсзлик идарисиниң башлиқи, уйғур ели иҗтимаий пәнләр акадимийиси динлар иниститутиниң мудири қатарлиқ һөкүмәт әрбаблири билән көрүшидикән.
Америка хәлқара диний әркинлик комитети 1998 - йили қурулған болуп, бу орун дунядики һәр қайси дөләтләрниң диний әркинлик әһвалини көзитип туриду һәмдә дөләтләрниң диний әркинлик вәзийити һәққидә йилда бир доклат елан қилиду. (Пәридә)
Мунасивәтлик мақалилар
- Америка диний әркинлик комитети әзалири уйғур илини зиярәт қилмақчи
- Хитай дуня сәһийә тәшкилатиниң уйғур елигә бериш тәлипигә җаваб бәрмиди
- Йеза кадирини өлтүрүш билән әйибләнгән икки уйғур етип ташланди
- Хитай һөкүмити диний әркинликини боғуш җәрянида өлгән бир уйғурниң "шәрәплик" қурбан болғанлиқини елан қилди
- Фукаңдики кан вәқәсиниң сәвәбини тәкшүрүш басқучи башланди