Béyjingda turushluq chet'el elchixanilirining herbiy emeldarlar ömiki Uyghur aptonom rayonini ziyaret qildi


2005.09.02
Share on WhatsApp
Share on WhatsApp

Yéqindin béri Uyghur aptonom rayoni chet'el diplomatliri we xelq'ara teshkilatlarning ziyaret éqimigha uchrawatqan bir chaghda, amérika, en'giliye, fransiye, hindistan qatarliq 18 döletning béyjingda turushluq elchixanisining herbiy emeldarlirini asas qilghan bir chet'el wekiller ömiki, Uyghur aptonom rayonini ziyaret qildi.

Xitay metbu'atlirining xewer qilishiche, herbiy emeldarlar ömikining ziyariti 31 - séntebir küni bashlan'ghan bolup, 3 kün dawam qilghan. Ular ziyaret jeryanida Uyghur aptonom rayoni partkomining mu'awin sékritari jang yuming, shinjang herbiy rayonining shitab bashliqi jang binglar bilen söhbet élip barghan.

Emma metbu'atlar chet'el herbiy emeldarlirining jang bing we jang shyuminglar bilen némiler toghrisida sözleshkenliki shundaqla ularning Uyghur aptonom rayonidiki ziyaret küntertipini tilgha almidi.

Xitay metbu'atlirining tekitlishiche, jang bing peqet shinjang herbiy rayonining omumi ehwalini tonushturghan. 18 Dölet herbiy emeldarlirining ziyariti, amérika xelq'ara diniy erkinlik komitéti wekillirining ürümchidiki ziyaritidin kéyin shundaqla amérikining sabiq prézidénti bil klinton ürümchige bérishtin, b d t ning ten jazasini tekshürüsh emeldari ürümchi we ghuljida tekshürüsh élip bérishtin ilgiriki waqitqa toghra keldi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.