Lagér shahitliri: “Mehelle kométiti” Uyghur diyaridiki nazaret we basturushni emeliy ijra qilidighan memuriy organdur

Muxbirimiz méhriban
2022.06.09
Share on WhatsApp
Share on WhatsApp
ramazan-mehelle-tekshurush.jpg Mehelle bashqurush komitéti we saqchilarning Uyghurlarni tekshürüp kelgen körünüshi. 2018-Yili 6-awghust, qeshqer.
AP

Xitayning “Tengritagh tori” 7-iyun küni, Uyghur aptonum rayonluq xelq qurultiyi maqullighan 65-nomurluq höjjetni, yeni “Xelq qurultiyining mehelle kométitliridiki xizmet belgilimisi” ni élan qilghan.

Melum bolushiche, mezkur “Belgilime” Uyghur aptonum rayonluq 13-qétimliq xelq wekiller qurultiyining bu yil 5-ayning 27-küni échilghan 33-nowetlik yighinida maqulluqtin ötken. 12Maddiliq bu “Belgilime” de, jaylardiki mehelle kométitliri xizmetlirining eng aldi bilen xitay kompartiyesining biwaste rehberlikide bolidighanliqi alahide tekitlen'gen. Andin mehelle kométitlirining mudirliqi we bashqa wezipilerni üstige alghan xelq qurultiyi wekillirining mehelle kométitliridiki xizmet wezipisi, mehelle kométitliridin xelq qurultiyigha yollinidighan doklatlarning mezmuni, mehelle komitétliri xadimlirini xizmetke belgilesh we wezipisidin élish, mehelle kométitlirining maliye kirim-chiqim menbesini nazaret qilish qatarliq köp tereplime mezmunlar birmu-bir otturigha qoyulghan.

Mezkur “Belgilime” ning 5-maddisida, “Xelq qurultiyining mehelle kométitliridiki konkirét xizmet belgilimisi” 10 nuqta boyiche otturigha qoyulghan. Buningda mehelle kométitlirining xitay merkiziy hkkümitining “Shinjang siyasiti” we asasiy qanunini teshwiq qilishtiki yadroluq rolini jari qildurush, mehelle kométitlirining öz tewelikidiki ahalilerning konkirét ehwalini igilep arxip turghuzush, ahalilerning pa'aliyetliri we pikir-qarashlirini tepsiliy igilesh, mehelle kométitliridiki xelq wekillirining nazaret qilish xizmitini yaxshi orunlashturush, mehelle kométitlar qerellik halda xizmet doklatlirini xelq hökümitining munasiwetlik organlirigha yollash, mehelle kométitliri xelq qurultiyi chiqarghan qanun-belgilimilerning ijra qilinish ehwalini mexsus tekshürüp tetqiq qilish qatarliqlar alahide tilgha élin'ghan.

Uyghur aptonum rayonda néme üchün “Xelq qurultiyining mehelle komitétliridiki xizmet belgilimisi” namliq bundaq bir mexsus “Belgilime” maqullandi? mehelle kométitliri néme üchün xitay hökümitining Uyghur rayonida bu qeder jiddiy tutup nazaret qilidighan orunlargha aylinip qaldi? atalmish mehelle kométitliri xitay hökümitining 2017-yilidin kéyin yolgha qoyulghan “Qoshmaq tughqan” namidiki xitaylashturush siyasiti, Uyghur a'ililirining nuqtiliq nararet obyéiktigha aylinishi, milyonlighan Uyghurning lagirlargha qamilishi we xitay shirketliride ishleshke mejburlinishi qatarliq bir yürüsh irqiy qirghinchiliq ijrasida qandaq rollarni oynidi? xitay hökümiti tekitlewatqan “Mehelle komitétliri” da xelq qurultiyi wekillirining rolini jari qildurush” némidin dérek béridu?

Lagér shahitliridin amérikidiki zumret dawut xanim bilen shiwétsiyediki sayragül sa'utbay xanim, amérikadiki Uyghur kishilik hoquq qurulushining tetqiqatchisi, dunya Uyghur qurultiyining mu'awin re'isi zubeyre shemsidin xanim we gérmaniyediki musteqil analizchi enwer exmet ependiler yoquriqi mesililer heqqide öz qarashlirini otturigha qoydi.

Yoquriqi awaz ulinishidin tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.