Bayraq chiqirish murasimigha yaghliq artip chiqqan bir ayal 19 yilliq késilgen

Muxbirimiz jüme
2020-04-26 - `
Élxet
Pikir
Share
Print
Bayraq chiqirish murasimigha yaghliq artip chiqqan tarbaghatay wilayiti turghuni érlan qabaden 19 yilliq késilgen.
Bayraq chiqirish murasimigha yaghliq artip chiqqan tarbaghatay wilayiti turghuni érlan qabaden 19 yilliq késilgen.
Social Media

Lagér qurbanlirigha a'it élan qilin'ghan bir parche höjjetke qarighanda, Uyghur élidiki bir ayal bayraq chiqirish murasimigha yaghliq artip chiqqanliqi üchün 19 yilliq késilgen.

"Shinjang qurbanliri sandini" namliq teshkilat 26-aprél élan qilghan ikki parche höjjette körsitilishiche, tarbaghatay wilayiti qobuqsar mongghul aptonom nahiyesi mötgé yézisining turghuni érlan qabaden "Esebiylikni ishlitip qanun'gha buzghunchiliq qilish", "Jédel chiqirip qalaymiqanchiliq tughdurush" jinayiti bilen jazagha tartilghan we oxshash jinayet bilen 2019-yili 14-iyun qobuqsar nahiyelik xelq soti teripidin 19 yilliq muddetlik qamaq jazasigha höküm qilin'ghan.

Teshkilatning twittér hésabida körsitishiche, érlan qabadening qazaqistandiki uruq tughqanliri bayraq chiqirish murasimigha yaghliq artip chiqish, uning 19 yilliq késilishige seweb bolghan atalmish jinayet ikenlikini bildürgen. 

Tetqiqatchi jiné bonn bu heqte feysbukqa yollighan uchurida buni bir "Dölet teshkillikidiki qatilliq" dep atidi. 

U mundaq dédi: "51 Yashliq bir ayal bayraq chiqirish murasimigha yaghliq artip chiqqanliqi üchünla 19 yilliq késilse, buni jinayi jaza dégili bolmaydu. Bu bir dölet dölet teshkillikidiki qatilliqtur." 

Xitay da'iriliri 2016-yilining axiridin bashlap Uyghur élide yolgha qoyghan qattiq basturush herikiti jeryanida 1 milyondin 3 milyon'ghiche Uyghur, qazaq qatarliq musulman milletler jaza lagérlirigha tashlan'ghan we herxil namlarda qarilinip késilgen idi.

Toluq bet