Qeshqerde kochilarning chölderep qalghanliqi melum

Muxbirimiz jüme
2020-11-01
Share
Qeshqer-Korona-202010.jpg Qeshqer wilayiti teweside korona yuqumi yéngidin bash kötürgendin kéyin, da'iriler wilayet teweside keng kölemde quluplash tedbirlirini yolgha qoyghan. 2020-Yili öktebir.
Social Media

Xewerlerge qarighanda, qeshqer wilayiti teweside korona yuqumi yéngidin bash kötürgendin kéyin, da'iriler wilayet teweside keng kölemde quluplash tedbirlirini yolgha qoyghan, ahaliler öz öyidin chiqalmighachqa qeshqer chölderep qalghan.

En'gliyedin chiqidighan "Ékspréss" gézitining xewer qilishiche, qeshqerdiki turalghularning derwazilirigha qarawullar orunlashturulghan, öyler quluplan'ghan bolup, kochilar quruqdilip qalghan.

Mezkur gézitining muxbiri qeshqerde körgenlirini mundaq teswirligen: "Kocha-koylardiki taqalghan soda saray, réstoran we türlük mallar dukanliri aldidin mashina heydep öttüm. Kochilarda peqet, méning ijare mashinam we saqchilarning charlash mashinisila közge chéliqatti."

U yene özi turghan méhmanxanining nurghun xizmetchiliriningmu yoqap ketkenlikini, bashqa xizmetchilerning ularning öz ö‍yiliride qamilip qalghanliqini éytip bergenlekini teswirlep bergen.

Shu yerdiki bir dukandar bu nöwetlik taqash tedbirliri seweblik iqtisadning yimirilish weziyiti shekillenlikini éytqan.

Mushu heptining béshida, milyonlighan Uyghur qatarliq türkiy milletler lagérlargha tashlan'ghan Uyghur élining qeshqer wilayitide zor türkümde korona wirusi yuqumdarliri bayqalghan. Bu wirus yuqumining qeshqerdiki mejburiy emgek zawutlirigha chétishliq ikenliki xewer qilin'ghan.

Xitay axbaratlirida keng kölemlik tekshürüsh arqiliq yuqum ehwalining kontrol qilin'ghanliqi xewer qiliniwatqan bolsimu, emma qeshqerning yenila taqaq ikenliki, bezi kocha doqmushlirida tamaq tarqitish ponkitlirining tesis qilin'ghanliqi diqqetni tartmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet