Uyghur akadémiyesi teshkilligen "Milliy mepkure we milliy küresh yolliri boyiche terbiyelesh kursi" axirlashti

Ixtiyariy muxbirimiz azigh
2021-05-10
Share
Uyghur akadémiyesi teshkilligen Dunya Uyghur qurultiyi re'isi dolqun eysa ependim Uyghur yashlirigha xelq'ara weziyetning sherqiy türkistan milliy körüshige élip kelgen pursetliri we Uyghurlarning milliy küreshliri toghrisida ders bermekte. 2021-Yili 8-may.
RFA/Azigh

8-May küni bashlan'ghan ikki künlük "Milliy mepkure we milliy küresh yolliri boyiche terbiyelesh kursi" 9-may küni ghelibilik axirlashti. Milliy mepkure we milliy küresh yolliri boyiche terbiyelesh kursi Uyghur akadémiyesi teripidin her yili teshkillinip kéliniwatqan bolup, mezkur kurs milliy dawa sépidiki yashlarni siyasiy jehettin terbiyelesh we yétishtürüshni meqset qilidiken.

Uyghur akadémiyesining ijra'iye re'isi abdulhemid qaraxan ependim ziyaritimizni qobul qilip, Uyghur akadémiyesi teshkillep kéliwatqan milliy mepkure kursliri heqqide tepsiliy melumat berdi.

Mezkur kursqa dunya Uyghur qurultiyining re'isi dolqun eysa, Uyghur akadémiyesining re'isi alimjan inayet, Uyghur akadémiyesi xitay tetqiqati institutining mudiri perhat qurban tengritaghli qatarliq kishiler qatnashqan we ders bergen. Mutexessislerning qarishiche, bu xil terbiyelesh kurslirining köplep orunlashturulushi Uyghur dawa sépi ichidiki yashlarning terbiyelinishi we siyasiy tejribe jughlishi üchün muhim rol oynaydiken.

Uyghur akadémiyesining Uyghur yashlirini siyasiy jehettin terbiyelesh we tayanch küch yétishtürüsh meqsitide teshkilligen milliy mepkure kursliri Uyghur yashliri teripidin qizghin qarshi ilishqa érishmekte. Uyghur rehberler we ziyaliylar mezkur kurslar arqiliq yashlargha Uyghurlarning nöwettiki siyasiy weziyiti, teshkilatlarning roli, teshkillesh we bashqurush usulliri, her xil siyasiy we tarixiy mesililer heqqidiki tejribiler üstide etrapliq melumat bermekte.

Uyghur akadémiyesining re'isi alimjan inayet ependim ziyaritimizni qobul qilip, Uyghur yashlirini her tereplime terbiyelesh we yétishtürüshning Uyghur teshkilatlirining muhim wezipisi ikenlikini, milliy mewjutluqimizni saqlashta bu xil kurslarning ehmiyitining zor ikenlikini tekitlidi.

Uyghur akadémiyesi teripidin orunlashturulghan milliy mepkure we milliy küresh yolliri boyiche terbiyelesh kursigha qatnashqan hidayet musajan ependim mezkur terbiyilesh kursining yashlarning Uyghur milliy dawasini dawamlashturush yolidiki siyasiy tejribilerni öginishte muhim rol oynaydighanliqini éytti.

Uyghur akadémiyesi ötken ikki yilda sekkiz qétim oxshimighan sahelerdiki Uyghur tetqiqatchi we mutexessislerni teklip qilip, 97 neper Uyghur yash we aliy mektep oqughuchilirigha "Milliy mepkure we teshkilatchiliq", "Taratqu we teshwiqat", "Xelq'ara weziyet we milliy küresh yolliri" qatarliq mezmunlarda terbiyelesh kursi orunlashturghan bolup, közetküchiler Uyghur weziyiti kündin kün'ge jiddiylishiwatqan bügünkidek künde Uyghur yashliridin siyasiy rehber we pa'aliyetchilerni yétishtürüshning muhimliqini tekitlimekte.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet