Корона вирусида қаза қилғучилар көпийишкә башлиди

Мухбиримиз җүмә
2020-03-01
Share
COVID-19_RFA_Uyghur.jpg Хитайда пәйда болған таҗсиман вирусниң дуняда тарқилиши
Behram Sintash

Корона вируси җениға замин болған бимарлар хитайдин башқа әлләрдиму көпийишкә башлиди.

Америка сәһийә даирилири вашингтон штатидики мәлум бир юқумдариниң шәнбә күни қаза қилғанлиқини хәвәр қилған болса, йәкшәнбә күни австралийә вә тайланд қатарлиқ әлләрму өзлиридә тунҗи қаза қилғучиларниң көрүлгәнликини җакарлиди. 

Италийә йәкшәнбә күни йәнә 8 адәмниң корона вируси билән өлүп кәткәнликини, җүмә күнидин буян йеңидин байқалған юқумланғучилар саниниң 240 қа йәткәнликини ашкарилиди.

Хитай һөкүмити йәкшәнбә күни җәмий 35 корона вируси юқумдариниң қаза қилип, бу вируста һазирғичә өлгәнләр саниниң 2870 кә йәткәнликини билдүрди. 

Шуниң билән корона вирусида қаза қилғучилар сани дуня бойичә үч миңға йеқинлашти. 

Униңдин башқа хитай даирилири шәнбә күнигичә йәнә 573 йеңи юқумдар байқалғанлиқи, хитайда омумий юқумланғучилар саниниң 80 миңға йеқинлашқанлиқини елан қилди.

Һалбуки, җәнубий корейәдики юқум әһвалиниң барғанчә еғирлишиватқанлиқи мәлум. Җәнубий корейә сәһийә тармақлири пәқәт йәкшәнбә күнила йеңидин 586 корона вируси юқумдари байқалғанлиқи, бир адәмниң қаза қилғанлиқини җакарлиди.

Шуниң билән җәнубий корейәдә һазирға кәлгүчә дәлилләнгән вирус юқумдарлири 3 миң 730 ға, вируста қаза қилғанлар 21 гә йәтти.

Корона өпкә яллуғи вирусиниң юқириқи әлләрдин башқа йәнә әрменийә, иреландийә, лиюксембург, еквадор һәмдә көпинчә оттура шәрқ әллиридә байқалғанлиқи мәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт