Korona wirusida qaza qilghuchilar köpiyishke bashlidi

Korona wirusi jénigha zamin bolghan bimarlar xitaydin bashqa ellerdimu köpiyishke bashlidi.

Amérika sehiye da'iriliri washin'gton shtatidiki melum bir yuqumdarining shenbe küni qaza qilghanliqini xewer qilghan bolsa, yekshenbe küni awstraliye we tayland qatarliq ellermu özliride tunji qaza qilghuchilarning körülgenlikini jakarlidi. 

Italiye yekshenbe küni yene 8 ademning korona wirusi bilen ölüp ketkenlikini, jüme künidin buyan yéngidin bayqalghan yuqumlan'ghuchilar sanining 240 qa yetkenlikini ashkarilidi.

Xitay hökümiti yekshenbe küni jem'iy 35 korona wirusi yuqumdarining qaza qilip, bu wirusta hazirghiche ölgenler sanining 2870 ke yetkenlikini bildürdi. 

Shuning bilen korona wirusida qaza qilghuchilar sani dunya boyiche üch minggha yéqinlashti. 

Uningdin bashqa xitay da'iriliri shenbe künigiche yene 573 yéngi yuqumdar bayqalghanliqi, xitayda omumiy yuqumlan'ghuchilar sanining 80 minggha yéqinlashqanliqini élan qildi.

Halbuki, jenubiy koréyediki yuqum ehwalining barghanche éghirlishiwatqanliqi melum. Jenubiy koréye sehiye tarmaqliri peqet yekshenbe künila yéngidin 586 korona wirusi yuqumdari bayqalghanliqi, bir ademning qaza qilghanliqini jakarlidi.

Shuning bilen jenubiy koréyede hazirgha kelgüche delillen'gen wirus yuqumdarliri 3 ming 730 gha, wirusta qaza qilghanlar 21 ge yetti.

Korona öpke yallughi wirusining yuqiriqi ellerdin bashqa yene erméniye, irélandiye, liyuksémburg, ékwador hemde köpinche ottura sherq elliride bayqalghanliqi melum.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar