Tajsiman korona wirusi bilen yuqumlan'ghuchilar sani 107 ming 200 din ashti

Muxbirimiz jüme
2020.03.08
WHO-CORONA-20200308.png Dunya sehiye teshkilati 8 mart élan qilghan korona wirusining dunyadiki tarqilish ehwali körsitilgen grafik. 2020-Yili 8-mart.
who.int

Korona wirusi bilen yuqumlan'ghuchilar sani dunya boyiche 107 ming 200 din, bu wirusta qaza qilghanlarning sani 3500 din ashti.

Bularning köpinchisi xitayda bolup, xitay élan qilghan san boyiche omumi yuqumdar sani xitayda 80 ming 600 neper. Xitaydin bashqa, jenubiy koréye, iran, italiye we yaponiye qatarliq döletlerde yuqum ehwali bir qeder éghir. 

8-Marttiki sanliq melumatlargha qarighanda, nöwette mezkur wirus bilen yuqumlan'ghuchilar amérikidimu bir qeder tiz köpeymekte. 

Amérikida yekshenbige qeder dellen'gen yuqumdar sani 470 ke, qaza qilghuchilar sani 19 gha yetti we yuqumlan'ghuchilar 30 din artuq shtatta bayqaldi.

Nyu-york shtati, washin'gton shtati, orégon shtati we kaliforniye shtatliri jiddiy halet élan qildi. 

“Washin'gton pochtisi géziti” ning melumatigha qarighanda, korona wirusi bilen yuqumlan'ghuchilar amérikining paytexti washin'gton alahide rayonda 2 neper, wiriginiye shtatida ikki neper, maryland shtatida 3 neper bayqalghan.

Bir nechche küni ilgiri amérika hökümitimu bu wirus yaratqusi tehditlerge taqabil turush üchün munasip tedbirlerni alghanliqi we 8 milyard dollar meblegh teyyarlighanliqini jakarlidi. 

Mu'awin prézidént mayk pens 3-marttiki bayanatida, bir nechche kün ichide 1. 5 Milyon kishilik tekshürüsh eswabi hazirlinidighanliqini bildürgen.

Uningdin bashqa ötken ayda, aqsarayning soda meslihetchisi pétir nawaro tajsiman yuqumluq nepes yoli wirusigha qarshi dorining féwralning axiri yaki martning otturilirida yasilishqa bashlinidighanliqini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.