Xitayda korona wirusi yuqumdarliri közitiliwatqan bina qazasida 10 adem ölgen

Muxbirimiz jüme
2020-03-08
Élxet
Pikir
Share
Print
Örülüp chüshüp 10 adem ölgen, tajsiman korona wirusi yuqumdarliri karantin astigha élin'ghan "Shinjya" méhmanxanisi. 2020-Yili 7-mart. Chu'enju, fujiyen.
Örülüp chüshüp 10 adem ölgen, tajsiman korona wirusi yuqumdarliri karantin astigha élin'ghan "Shinjya" méhmanxanisi. 2020-Yili 7-mart. Chu'enju, fujiyen.
Social Media

Shenbe küni kechqurun fujiyen ölkisidiki tajsiman korona wirusi yuqumdarliri karantin astigha élin'ghan bir bina örülüp chüshüp 10 adem ölgen.

Hadise chüenju sherhirige jaylashqan "Shinjya" méhmanxanisida yüz bergen. Xitay axbaratlirigha qarighanda, bu méhmanxana 2013-yili sélin'ghan bir 7 qewetlik binadin 2018-yili özgertip yasalghan iken. 

Tajsiman korona wirusi xitayda tarqilishqa bashlighandin kéyin da'iriler mezkur méhmanxanini yuqum gumandarliri közitilidighan rayon qilip özgertken iken. 

Xitay jiddiy ishlarni bashqurush ministirliqining bildürüshiche, bina örülgendin kéyin 72 adem bina ichige qapsilip qalghan, 48 adem qutquzup chiqilghan bolsimu, qalghan 23 ademning iz-dériki bolmighan. 

Da'iriler köpligen ot öchürüsh xadimlirini ishqa sélip qutquzush élip barghanliqi we yuqiri téxnikiliq üskenlerdin paydilinip binada hayat qalghanlar bar-yoqlighini tekshürüwatqanliqini bildürgen. 

Hazirche bu 23 ademning yene qanchisining qutquzulghanliqi namelum. 

Fujiyenning chüenju shehiri korona wirusi eng éghir tarqalghan wuxen shehiridin 900 kilométirdin artuq yiraqliqta bolup, bu sheherde qanchilik ademning yuqumlan'ghanliqi, qanchilik ademning yuqum gumani bilen közitiliwatqanliqi éniq emes.

Toluq bet