Wuxende korona wirusi bilen ölgenler 40 mingdin ashidighanliqi mölcherlenmekte

Muxbirimiz jüme
2020-03-29
Share
Wuxen-Depne-Oyliri.jpg Wuxendiki depne öylirining sani we ularning kündilik jeset küli birterep qilish iqtidarigha a'it twit.
Social Media

Wuxen shehiride korona wirusi bilen ölgenler sanining esli élan qilghan sandin nechche hesse yuqiri ikenlikini mölcherlenmekte.

Xitay da'iriliri wuxen'ge qaritilghan ikki ayliq karantin buyruqlirini bikar qilghandin kéyin, yerlik depne ishlirini béjirish organliri a'ililerge bu heptidin bashlap kélip depne qilin'ghan tughqanlirining jeset külini éliwélishni uqturghan. 

Wuxendiki 7 chong depne öyi bu heptining béshidin buyan künige 500 ademning jeset külini a'ilisige qayturushqa bashlighan.

Ijtima'iy médiyagha chaplan'ghan bezi uchurlarda bu 7 orunning künige jem'iy 3500 jeset külini bir terep qilghanliqi yézilghan.

Depne öyliri jeset küllirining 5-apirildiki qebre süpürüsh bayrimidin burun a'ililerge tarqitilip bolinidighanliqini uqturghan. Jeset külliri 23-marttin bashlap jem'iy 12 kün tarqitilidighan bolup, shundaq bolghanda bu jeryanda jem'iy 42 ming jeset kuli kozisi tarqitilidiken.

Kishiler shu boyiche hésablighanda wirusta ölgenler sanining hökümet statistika idariliri tarqatqan sandin bir nechche hesse artuq chiqidighanliqini bayqighan. 

Wuxendin radiyomizning ziyaritini qobul qilghan jang famililik bir kishi wuxendiki jeset köydürüsh orunlirining toxtimay ishligenlikini, shundaq bolghanda xitay hökümiti élan qilghan sanda guman barliqini éytqan. 

Yene bezi perezlerde wuxende mezkur wirusta ölgenler sanining 46 minggha yétidighanliqi otturigha qoyulghan. 

Maw famililik bireylen wuxende köpincheylenning ölgenler sanining 40 mingdin artuqluqigha ishinidighanliqini éytqan.

Xitay da'iriliri korona wirusida ölgenler sanining peqet wuxen shehiridila 2500 ikenlikini élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet