Xitay da'iriliri korona wirusidin 2019-yili dékabirdila xewer tapqan iken

Muxbirimiz jüme
2020.03.29
wuxen-wirusi.jpg Wuxendiki jinyinti'an doxturxanisigha toshup kélin'gen “Wuxen wirusi” bilen yuqumlan'ghanlar. 2020-Yili 21-yanwar. Wuxen.
Social Media

Xitay da'iriliri korona wirusidin 2019-yili dékabirdila xewer tapqan bolsimu, bu wirus heqqidiki uchur we delil-ispatlarni buyruq chüshürüp basturup qoyghan.

“Nyuyork pochtisi géziti” we wal strét zhurnilining xewer qilishiche, 2019-yili 10-dékabir wuxendiki xu'a'en déngiz mehsulatliri bazirida yaymichiliq qilidighan wéy guyshyen zukamdap qaldim, dep oylap yerlik doxturxanigha kirip körün'gen we azraq dora élip ishigha qaytqan. 

Halbuki, u 8 kündin kéyin melum bir doxturxanigha bihosh dégüdek halda dawalinishqa élin'ghan. 

Xewerde uning “Tunji korona wirusi bimari” bolushi mumkinliki ilgiri sürülgen. Wéy xanimdin kéyin yene köpligen bimarlar oxshash alametler bilen dawalinishqa élin'ghan. Halbuki, bularning köpinchiliri esliheliri nachar, kichik doxturxanilarda körün'gen. Beziliri pulini qimmet körüp öpkisini réntgén'gha élishini, yaki wéy xanimgha oxshashla chongraq doxturxanilargha bérishni xalimighan. 

Doxturlar dékabirning axiri bularning hemmisining xu'a'en déngiz mehsulatliri baziri bilen munasiwetlik ikenlikini delillep chiqqan we wéy xanim qatarliq köpligen bimarlarni karantin astigha alghandin kéyin, ehwaldin yuqirini xewerdar qilghan.

“Nyuyork pochtisi géziti” ning xewer qilishiche, 3-yanwar xitay döletlik sehiye komitéti bu heqtiki uchurlarni kontrol qilish we delil-ispatlarni yoqitish heqqide buyruq chüshürgen.

Dunya sehiye teshkilatimu korona wirusi heqqidiki uchurlardin 31-dékabirgha kelgende andin waqiplandurulghan. Xitay hökümiti mezkur késelni tunji dawalighan doxturlarning mejburiy éghizni etken. 

Bu ejellik wirus heqqidiki xewer-uchurlar 20-yanwarghiche jama'ettin yoshurun tutulghan. 23-Yanwargha kelgende pütkül wuxen sheheri karantin astigha élinip, wuxen'ge kirip-chiqish cheklen'gen. 

Nöwette bu wirus dunyaning hemme jaylirigha dégüdek tarqalghan we 29-martqiche 691 ming 867 ademni yuqumlandurghan, 32 ming 988 ademning jénigha zamin bolghan.

“Wal strét zhurnilini” ng ziyaritini qobul qilghan wéy xanim kéyin özining saqiyip doxturxanidin chiqqanliqini, emma xitay hökümiti burunraq heriket qilghan bolsa, bunche jiq ademning ölüp ketmigen bolghanliqini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.