Donald tramp: eger xitay hökümiti bilip turup korona wirusining aldini almighan bolsa buning bedili bolidu

Muxbirimiz jüme
2020-04-19
Share
tramp-trump-shi-jinping Amérika prézidénti donald tramp bilen xitay re'isi shi jinping g-20 yighinida. 2019-Yili 29-iyun, osaka, yaponiye.
AP

Amérika prézidénti donald tramp eger xitay hökümiti bilip turup korona wirusining aldINi Almighan bolsa buning choqum soriqi bolidighanliqini éytqan.

"Xelq'ara pul-mu'amile waqit géziti" ning xewer qilishiche, prézidént tramp mundaq dégen: "Xataliq dégen xataliq. Emma eger xitay buni bilip turup shundaq qilghan bolsa, buning choqum bedili bolidu."

Xewerde körsitishiche, prézidént tramp bu yerde korona wirusining xitaydiki bir bi'ologiyelik qollar laboratoriyeside yasalghanliqidin ibaret toghriliqi ispatlanmighan nezeriyeni ima qiliwatqan bolushi mumkin iken.

Eng deslep xitayning wuxen shehiride bayqalghan korona wirusi nöwette pütün dunya miqyasigha yamrap az dégende 2 milyon 367 ming ademni yuqumlandurghan, 163 ming ademning jénigha zamin bolghan.

Xitay da'iriliri bu wirusining wuxen shehirige jaylashqan bir yawayi haywanlar we yémeklik baziridin tarqalghanliqini, esli wirusining sheperengdin ademge yuqqanliqini ilgiri surup kelgen.

Halbuki, jüme künidiki axbarat élan qilishi yighinda soz qilghan prézidént tramp xitayning bu heqtiki chüshendürüshlirige ishinip ketmeydighanliqini bildürgen.

U mundaq dégen: "Ular éytiwatqan u xildiki shepereng u rayonda yoq."

Nöwette korona wirusi menbesining wuxendiki bir wirologiye laboratoriyesi ikenlikige a'it xewerler amérika hökümitiningmu diqqitini qozghighan bolup, amérika dölet mudapi'e ministirliqimu buni tekshürüwatqanliqini éytqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.