En'gliye koruna yuqumini döletler boyiche sélishturush jedwilidin xitayni chiqiriwetken

Muxbirimiz jüme
2020.04.26
Share on WhatsApp
Share on WhatsApp
wuxen-Wirus.jpeg “Wuxen wirusi” bilen yuqumlan'ghanlar dawaliniwatqan “Wuxen dawalash merkizi” din bir körünüsh. 2020-Yili 22-yanwar. Wuxen.
AP

Xitay da'irilirining koruna wirusidiki xupiyaniliki seweblik en'gliye hökümiti koruna wirusida döletler boyiche ölgenlerni sélishturush jedwilidin xitayni chiqiriwetken.

“Kündilik mektuplar” gézitining xewer qilishiche, en'gliyening bu herikiti xitaygha qilin'ghan bir diplomatik hujum hésablinidiken.

Korona wirusi eng deslep xitayning wuxen shehiride tarqalghan. Xitay hazirghiche kelgüche xitay boyiche 4 ming 636 ademning mezkur wirusta ölgenlikini, buning wirusning tarqilish merkizi bolghan wuxende ölgen 3 ming 182 ademni öz ichige alidighanliqini élan qilghan. 

Halbuki, yerlik wuxenlikler bu sanning hökümet élan qilghan sandin nechche hesse yuqiriliqini, ölgenlerning az dégendimu 40 mingdin ashidighanliqini bildürüshken. 

Xitayning özidiki korona wirusi yuqum ehwalini yoshurun tutushi amérika, en'giliye, firansiye we gérmaniyening naraziliqini qozghighan. 

Amérika hökümiti xitayni koruna wirusining tarqilish ehwalini yoshurup dunyani krizisigha paturghanliqini bir nechche qétim eyibligen.

Gérmaniye bash ministiri an'géla mérkél xanim bu heqte toxtilip: “Xitayning wirus menbesi mesiliside ochuq-ashkara bolushi dunyaning bashqa jayliridikilerning buni tetqiq qilishigha paydiliq” dégen. 

En'gliyemu korona wirusining zerbisige éghir uchrighan döletlerning biri. En'gliye miqyasida yekshenbe künigiche 148 ming 377 korona wirusi bilen adem yuqumlan'ghan, 20 ming 319 adem qutquzush unum bermey ölüp ketken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet