Namayish mezgilide tayland hükümiti enqerediki elchixanisini taqiwétishke mejbur boldi

Muxbirimiz erkin tarim
2015.07.10
turkiye-enqere-tayland-taylant-elchixana-namayish-2015.jpg Taylandning enqere elchixanisi aldidiki namayishtin bir körünüsh
RFA/Erkin Tarim


7 - Ayning 8 - küni tayland hükümitining 100 etrapida Uyghurni xitaygha qayturup bérishi, türkiyediki Uyghurlarning ghezipini qozghidi. 8 - Iyul küni 200 etrapida Uyghur istanbuldiki tayland konsolxanisigha bésip kirip, derize we üstel, orunduqlirini chéqiwetti. 9 - Iyul küni bolsa tayland we malayshiya arqiliq türkiyege kelgen 150 etrapida Uyghur taylandning enqere elchixanisi aldigha kélip naraziliq namayishi ötküzdi. Qolida türk bayriqi bilen Uyghur bayriqi we luzunkilarni kötüriwalghan Uyghurlar “Türkiye uxlima, qérindashliringgha ige chiq, Uyghurlar ölüwatidu, dunya jim turuwatidu, tayland zulumgha ortaq bolma, heq, qanun, adalet, sherqiy türkistan'gha erkinlik” dégendek shu'arlarni towlashti. Arqidin dunya Uyghur qurultiyi mu'awin re'isi séyit tümtürk ependi muxbirlargha bayanat berdi. U, bayanatida xitay zulmidin qéchip panahliq tilep chiqqan Uyghurlarni qayturup bergen tayland dölitining xelq'ara qanun'gha xilapliq qilghanliqini, qélip qalghan Uyghurlarning üchinchi bir döletke kétishige kapaletlik qilishini telep qildi.

Biz namayish jeryanida uruq - tughqanliri, tonushliri we qérindashliri xitaygha qayturup bérilgen namayishchilargha mikrafonimizni uzattuq. Ular birdek xitayning bésimi tüpeylidin yurtini tashlap qéchishqa mejbur qalghanliqini, dunya döletlirining bu zulumni körüshi kéreklikini tekitlidi.

Tayland hökümitining 100 etrapida Uyghurni xitaygha qayturup bérishini türkiye hökümitimu bayanat ilan qilip eyiblidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.