Uyghurlar gérmaniye hökümet binasining aldida xitay bash ministirigha qarshi namayish ötküzdi

Muxbirimiz erkin tarim
2014.10.10
germinaiye-uyghur-namayish-xitay-bash-ministir-li-keqiang.jpg Uyghurlar gérmaniye hökümet binasining aldida xitay bash ministirigha qarshi namayish qilmaqta
RFA/Erkin Tarim


Xitay bash ministiri li kéchyang gérmaniye bash ministiri enjéla mérkel bilen bérlindiki bash ministirliq binasida uchrishish élip bériwatqanda, Uyghurlar qollirida ayyultuzluq kök bayraq we lozunkilarni kötürgen halda naraziliq namayishi ötküzdi.

Gérmaniye bash ministiri anjéla mérkel xanim xitay bash ministiri li kéchyangni herbiy murasim bilen kütiwéliwatqanda Uyghur, tibet, xongkong we gérmaniyediki insan heqliri teshkilatliri ezaliri murasim boluwatqan jaygha yéqin bir jayda turup naraziliq namayishi ötküzgen. Qolida ilham toxtining resimi, ayyultuzluq kökbayraq we luzunkilarni kötürüwalghan Uyghurlar “Ilham toxti qoyup bérilsun”, “Yoqalsun xitay kommunist partiyesi” we “Uyghurlargha erkinlik” dégendek shu'arlarni towlashqan. Biz neq meydan'gha téléfon qilip bu heqte melumat igiliduq.

Dolqun eysa ependi, namayishning gérmaniye hökümet binasi bilen gérmaniye parlamént binasining otturisida élip bérilghanliqini, namayishchilarning awazini xitay bash ministiri li kéchyang bilen gérmaniye bash ministiri mérkel xanimning anglighanliqini, namayishqa Uyghurlardin bashqa millet we teshkilatlardinmu köp sanda kishining qatnashqanliqini éytti.

Yawrupa sherqiy türkistan birlikining re'isi eniwer jan ependi mérkel xanim, li kéchyang uchrashqanda, xitaydiki insan heqliri depsendichilikini, bolupmu Uyghur mesilisini kün tertipke élip kélidighanliqini éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.